Thursday, December 16, 2010

testerone hormone is ON !

I am sad single and lonely ,



i hate to say this but thats a FACT right now , from a very long time i used to mock my friends when they talked about their gf's and how their life is going miserable, but NOW i really need a girl ! , i know ill laugh at this post in the near future , may be tomorrow in the morning
but i dont give a damn shit i NEED A damn GIRL IN MY LIFE i hate being LONELY !
sam3any rody b2a:D

Sunday, November 28, 2010

يا منفسن!

كنت بتفرج عاليوتيوب  ولقيت الفيديو ده و سمعتوا و قشطة  بس لما جيت اقرء الكومنتس اتفشخت ضحك 


و عرفت اد ايه احنا شعب منفسن و ابن .,,,  و اد ايه الحقد الطبقي بيمشي في عروقنا 
طب يا ولاد ال ... ما شباب الجامعة الامريكية ده هو الي كان عامل مظاهرات من شهر او 2 عشان يجيبو حق العمال الغلابة الي بيشتغلو  ب 400 جنيه  و هم برضو الي كانوا عاملين مظاهرات ضد التوريث و طلعوا في ميدان التحرير ايام ما كانت الجامعة هناك 

من الاخر دي الحتة الوحيدة الي في مصر الي تعتبر فيها نوع من الديمقراطية و حرية التعبير   و يلعن ابوكو نقسية وسخة :]


هو ده الفيديو للي عايزو 


Saturday, November 27, 2010

الرئيس السابق محمد حسني مبارك

ليه كده يا حكومة ليه كدة يا بلد  !
من يومين فاتوا كلنا سمعنا عن موت كمال الشاذلي

مشاعر الناس كانت مختلفة بغباء في الي كان زعلان و ده غالباً عشان حالة الراجل بعد الازمة الصحية الي كانت عندو و منظروا الي يصعب عالكافر

و في ناس تانية كانت فرحانة و مش فارق مع ابوها

انا بين الموقفين دول احترت و قعدت افكر و اقتنعنت ان الحكومة و النظام المصري قدروا يجردوا الانسان من مشاعره الانسانية و بقي الموت هو الوسيلة الوحيدة اننا نشوف وش جديد علي اي كرسي سوا كان مجلش شعب شوري وزارة او حتي رئاسة للاسف و بقولها تاني للاسف بقي الشعب يتمني الموت للناس دي لانه مش شايف حل تاني غيرو للتغيير
يا ريس يا حكومة ابوس ايديكوا جربوا تتطبقوا الديمقراطية جربوا مرة تدو فرصة لحد تاني نفسي اسمع كلمة الريئس السابق الوزير السابق اي حاجة و قبلها السابق مش لازم يبقي الراحل

 كلمة اخيرة لو مش حتطبقوا الديمقراطية عشان ناسكم و شعبكم طبقوها عشان نفسكوا عشان صحتكو لان الشعب بيدعي علي الي جابوكوا كل يوم
و ربنا يرحم و يهدي الجميع

Thursday, September 23, 2010

قالك أنا مصري و مصاحب











هو  إيه الفكرة من المصاحبة؟
يعني بره  في امريكا واوروبا ده العادي ,يعني الاب والأم في معظم الحالات بيبقو متقبلين الموضوع ده , المجتمع نفسه متقبل الموضوع ده , هما بيقولوا احنا "متصاحبين  "  مش بيتكسفوا من الكلمة زي عندنا  
إنما عندنا بتبقى البنت مخبية على أهلها , وابوها أو اخوها لو عرفو هيروحو يطلعو ميتين أم الواد  
أما الولد بيبقى محدث نعمة وكل مايشوف حد من صحابه يعمل نفسه قافش  ومبوذ  عشان حد من القاعدة يسئله مالك؟  , وطبعا هو كان مستني السؤال ده عشان يقعد يحكي على مشكلته مع صاحبته (أو اللي هو فاكرها صاحبته لإن زي مااتفقنا مفيش مصاحبة في بلدنا  )ويقولك قفشت معاها و يعرض بيها   , و يقعد يلت للصبح   , نيجيي للبيت الواد ده لما يقول لأهله في البيت إنه مصاحب أو بيحب واحدة بيفرحو بي فشخ وأمه تيجي تقوله افتكر إن عندك اخوات بنات  اعتبرها زي أختك !! زي أخته إزاي طيب !! ايه الفكرة من الموضوع لو هي هتبقى زي أخته  ده الواد عايز يتبسط و يبقضي يومين 

سؤال وجاوبني عليه  إيه الفرق بين صاحبك و صاحبتك في مصر ؟!
محدش يعمل حدق ويقولي الجسم و الصوت الحنين  وبتاع , بتكلم كفكرة   إنت تقدر تبوس أو***مع صاحبتك دي تبقى مصيبة ده أنت ده لو أهلها عرفه إنت الله يرحمك 
يبقى ا الفكرة إنك تصاحب في مصر من الأساس مادام إنت مش هتعرف تعمل حاجة و مش هتوصل لحاجة ده غير ان كل المجتمع والناس هتبقى ضدك وبعدين ضد دينك أصلا

استنى لما تطلع بره كده وابقى قضيها هناك واعرف يعني ايه كلمة مصاحبة  بدل شغل العبط اللي إنت بتضحك على نفسك فيه ده  
     

Wednesday, September 22, 2010

فتاه مسيحة تعلن إسلامها


فالفترة  الأخيرة انتشرت بغباء  فيدهوهات  بنوعية  "فتاه مسيحة تعلن إسلامها " "يهودي يعلن إسلامه " "جندي أمريكي يعلن إسلامه "  طبعاً دي حاجة كويس و ربنا يهدينا و يهديهم   بس الفكرة اني بحس  إن الناس إلي بتنشر الحاجات دي   بتشك في ايمانها و بتحاول تقنع نفسها انها فالطريق الصح  بقصص إيمان ناس تانيين   ، بس هما نسيو حاجة  مهمة  الإسلام هو أعلى دين  بينتشر مظبوط  ، بس بردو  في  ناس حولت من الإسلام لغيرو من الاديان  ذي دول 




و دول 


أنا مش قصدي أقول إنو غلط  أو  أغلس عليه  أنا بس عايز أقولو  لو هو  ده اسلوبك عشان تقتنع انك تمام و ايمانك سليم   فالتفكير دة  غلط في غلط

يعني  ضع نفسك مكان واحد مش على دينك ، و كل ما يدخل  عل FACEBOOK و يلاقيك  كل شوية تعمل بوست  لفيديو من النوعية دي أكيد هيقول عندك عقدة نقص و شاكك في دينك 
في نوعية تانية من الناس بتنشر الحاجات دي  عشان تغلس على الناس إلي تعرفهم من أصحاب  الأديان الاخرة   النوع ده محتاج كلنا ندعيلو  " ربنا  يشفيه " 

يا رب  تكونو فهمتو وجهه نظري , وأكيد دول مش كل الناس   وبلاش احكام مسبقة
اكرر بلاش احكام مسبقة  بلاش شغل "يلا يا كافر يابنل .... "   

Sunday, September 12, 2010

السايس(البئف) و الزبون الي عايش في الدور


قمة الاستفزاز يا جدعان ، تركن عربتيك و بعد ما تخلص مشوارك  و تروح عربيتك تاني عشان تتكل على الله  .تلاقي واحد  بئف جايلك من بعيد و  بيصفر  زي الأهبل   يقعد يقولك "تعال تعال  فاضي   تمام يا سعادة البيه تمام يا باشا "  إلي بيغزني  إن أي واحد حمار سواقة ممكن يطلع من الركنة و يروح بيتوه من غير مساعدة  البئف ده (السايس)  و الا مكنش نجح في اختبار السواقة(  ثانية واحدة إزاي حيكون مانجحيش ومعاه رخصة آه نسيت احنا في مصر  ) 

نيجي للبقف تاني ,, المهم أنا مرة ضربت في دماغي  اراقبهم  من بعيد  واكتشفت إن البئف ده  بيعمل فلوس أكتر مما كنت متخيل شفت اللي بيديله 5 ولو 10 و ده غير  الفكة  وشفت إن بعد ما الزبون بيمشي بيجي أكتر من سايس يقسموا الفلوس مع بعض   أنا مش منفسن منه ربنا يكرمه بس اللي بيغظني هو بيعمل ايه عشان ياخد الفلوس دي يعني أنا طالع عيني أهلي في الجامعة ومش هاعمل زي فلوسه دي غير بعد 5 من الشغل الفشيخ   , محدش ييجي يقولي باديهله عشان الثواب أنا عايز أقولك إن الراجل ده هو اللي ممكن يتصدق عليك كفاية إنه مابيدفعش ضرايب 
أنا في تفسيري إنك بتديله الفلوس عشان بتحس ل مرة إنك محترم وليك قيمة لما  يقولك يا باشا ويا بيه  مع إنك أول مابتمشي بيسيبلك الدين  (lol)    

في ناس كتير أولى بالفلوس دي , دول ولاد كلب , الشارع ده ملك الشعب  ومتخليش حد بكلمتين يضحك عليك   ,,,

Wednesday, September 8, 2010

نظام الإحراج Aka "Minimum Charge"


يلعن أبو دة نظام اتعمل يا جدعان   ، نظام الإحراج  امام الناس   ،تكون لابس شيك و معاك  سجايرك  في أيد   و مفتاح عربيتك في أيد تانية  و محفظتك كالعادة  مهوية يادوب فيها 30 40 50 بالكتير أوي  ، وهوب  تخش ال-cafe  ملك زمانك  و تقعد عالتربيزة و "رجل على رجل " وحاجة  زي الفول ، فجاه  يطلعلك واحد يديك الMENU يقولك   ال-"minimum charge"   ٧٠ جنيه   .. في الحالة دي هاؤلك كلمة وحدة بس   "البس "  و سعتها هيكون عندك حل من 2  . 


1-تكلم صاحبك يجيلك   
2-تنسحب بكل تناكه و انت بتعمل أكنك ببتكلم فالموبايل  وقال يعني هتطلع بره المحل عشان تسمع كويس   و اول ما تبقي بره المكان اخلع يا صاحبي 


نظام إحراج إبن 60  ولاهي   ،،

البرادعي و بنتو و الناس الفاضية و انا


اليومين إلي فاتو طلع واحد سيس عمل  fanpage  عل  FACEBOOK  و ألك فضيحة البرادعي   و حطلو كام صورة لبنت  البرادعي   بالبكيني و صور و هي في حفلة   شغل مجلة  "فلاش "   ،و بدون  أي دليل طلع علينا الجماعة بتوع التغيير و شباب تاني عايش في دور إلي بفهم فالسياسة  و  إتهمه علطول النظام إن هو إلي عمل الموضوع دة عشان يوحش صورة البرادعي  بدون  أي دليل   كلنا عارفين إن ده نظام **** بس  بردو فين الدليل  ، أنا رأيي  يتلخص في  حاجتين
. أول حاجة  هي من الأول  غلطة البنت لأنها  معرفتش تتحكم فال-"PRIVACY"   عل "FACEBOOK"  ، يا جدعان ال"facebook" دة فضيحة بنت 60  ولاهي
.تاني حاجة الواد إلي  عمل ال-"page" بيقولك  إن حياه الريس دي حاجة ملك الشعب  أنا معاه 100 ٪ بس مين قال إنا لبرادعي  دة رئيس  أو إنه اترشح للرئاسة الرجل كل إلي قاله  إنه عايز يغير كام  مادة فالدستور  

ظهر ناس تانيين هبل أكتر بيقولو ازاي حيحكم مصر و هو مش قادر  يحكم بنته (لسة مقتنعين إن برده مترشح للرئاسة )  ناس زي دي ترد عليهم تقلهم يا فلاحين يا ولد ال-****  البنت عايشة طول عمرها في النمسا  (Austria)  و بعدين براحتها تلبس إلي هي  عايزاه  إنت مش ربنا عشان تقولها  تلبس إيه  

كل الكلام دة أكدلي   إن الناس ولا بتقرأ  (بدليل انهم لسة مقتنعين البرادعي  دة عايز يبقي  رئيس )  ، و سطحيين لأبعد الحدود     ربنا معاكي  يا بلد  ..... 

Wednesday, August 25, 2010

lewa7dy wla ma3ahom -لوحدي ولا معاهم ?


سؤال محيرني اليومين دول , هو صلاة الجماعة اللي من غير خشوع أفضل من الصلاة الفردية اللي فيها خشوع ؟
لإن ساعات كتير جدا بتحصل  إنك بتسرح ودماغك بتطييييييييييييييير وتعدوا تفكر في كل حاجة  كانت أو مكنتش  شاغلك قبل كده   , طبعا كل ده غير صلاة الجماعة اللي مع صحابك أو اهلك  لما  كله يقعد يتعازم  على بعضه عشان يبقى الإمام   وهوب أول ما الصلاه بتبدأ أي حاجة  بمعنى أي حاجة بتبقى ضحك  و مش أي ضحك ده الضحك اللي من القلب اللي بيتنقل زي الفيروس كده ل كل اللي جنبك , نرجع للسؤال الرئيسي  صلاة فردية بجد أفضل ولا لأ من صلاة جماعية ومش قوي !

على فكرة أنا عارف إن في ناس أكيد بيصلوا جماعة  وبذمة ( ربنا يتقبل منهم  )  , بس أنا بتكلم على ناس كتير أعرفهم وأنا ساعات بكون منهم

Heya Kosa ! - ! هي كوسة

كتير بنسمع الكلمة دي بس حد عمره فكَّر الكلمة دي جت منين ؟!
أنا اقولكم , زمان ,أيام القاهرة القديمة كان الناس بتعيش في مدينة زي القلعة  كده ليها بوابة بتفتح وتقفل  بمواعيد ; تفتح عند الفجر وتقفل عند غياب الشمس , وكان الباب ده عمره مايتفتح بعد غياب الشمس , فـكان الفلاحين اللي بيلموا المحصول ويتأخروا بيفضلوا بره القلعة لحد ماال باب يفتح تاني يوم , إلا بتوع الكوسة عشان بتبوظ فـكانوا بيفتحله الباب ومن هنا جت الكلمة اللي كله بيقولها ولا حد فاهم معناها إيه

bedayet KALAM ! بداية كلام

أنا مكنتش عارف ابدا إزاي , أكتب عربي ولا"فرانكو عربي" ,  بس لقت الحل أنا معرفش أنتم سمعته عنه ولا لأ , بس انصح أي حد من شباب الفرانكو زيي يستخدمه
لو عايز تاخد فكرة دوس هنا