الرد علي المستخفين بدماء الشهداء

رداً علي كلام بعض الم***ن الي مش فاهمين حاجة

1-الي في ميدان التحرير موقفين البلد ؟

الي موقف البلد هو شخص واحد عنيد و مش عايز يسيب ميتين ام الكرسي

2-الي في الميدان اخوان و حزب الله و ايران و امريكا و اسرائيل و قطر؟

احا ,هزها شوية و انزل ميدان التحرير و شوف.. اكيد في اخوان لأنهم نسيج من المجتمع المصري بس مش الأغلبية و الكل بما فيهم الإخوان متفقين علي فكرة الدولة المدنية

3-اصبروا عليه ال 7 شهور؟

انا كنت مصدق الكلام ده لحد اول امبارح بس لما يوم الثلاء يطلع "احمد شفيق" علي Dream و يقول علي رقبتي ان في حد يتعرض للمتظاهرين و يوم الاربعاء يستشهد ما بين 11-25 شهيد

و لما مبارك يقول في لقاء علي ال"abc" يقول انا لو مشيت البلد حتبقي فوضي و الاخوان حيمسكوا و انه يا عيني زعلان علي بيحصل فالتحرير :-

اولاً النظام الي يبقي معتمد علي شخص واحد ده نظام فاشل ابن كلب

ثانياً لو فعلاً خليف عالبلد و عايز توقف الدم الي بيسيل كل يوم اتنحي و كرامتك محفوظة

ثالثاً المرشد بتاع الاخوان تعهد و قال انهم لن يترشحوا للرئاسة

عزيزي حسني كروتك كلها كحروقة

ده طبعاً غير انه من سنة 1981 بيوعد و بيغير رايه

4-المتظاهرين رايحين عشان كنتاكي و 50 جنيه؟

مبدئياً مفيش ولا فرع كنتاكي فاتح علي حد علمي ابوس ايديك لو تعرف واحد شغال قولي عشان نفسي في "dinner box"

تاني حاجة مين الاهبل ابن الاهبل الي حيعرض حياته للخطر عشان 50 ولا حتة 1000 جنيه

ده طبعا غير ان الي انت مش عارفه ان المناظر الي هناك من انضف الناس الي في مصر ناس ولا تعبانة فشغلها ولا مش لاقية تاكل و جايز تكون انضف منك انت شخصياً

-------

و للحديث بقية

testerone hormone is ON !

I am sad single and lonely ,

i hate to say this but thats a FACT right now , from a very long time i used to mock my friends when they talked about their gf's and how their life is going miserable, but NOW i really need a girl ! , i know ill laugh at this post in the near future , may be tomorrow in the morning
but i dont give a damn shit i NEED A damn GIRL IN MY LIFE i hate being LONELY !
sam3any rody b2a:D

يا منفسن!

كنت بتفرج عاليوتيوب  ولقيت الفيديو ده و سمعتوا و قشطة  بس لما جيت اقرء الكومنتس اتفشخت ضحك 

و عرفت اد ايه احنا شعب منفسن و ابن .,,,  و اد ايه الحقد الطبقي بيمشي في عروقنا 

طب يا ولاد ال ... ما شباب الجامعة الامريكية ده هو الي كان عامل مظاهرات من شهر او 2 عشان يجيبو حق العمال الغلابة الي بيشتغلو  ب 400 جنيه  و هم برضو الي كانوا عاملين مظاهرات ضد التوريث و طلعوا في ميدان التحرير ايام ما كانت الجامعة هناك 

من الاخر دي الحتة الوحيدة الي في مصر الي تعتبر فيها نوع من الديمقراطية و حرية التعبير   و يلعن ابوكو نقسية وسخة :]


هو ده الفيديو للي عايزو 

الرئيس السابق محمد حسني مبارك

ليه كده يا حكومة ليه كدة يا بلد  !

من يومين فاتوا كلنا سمعنا عن موت كمال الشاذلي

مشاعر الناس كانت مختلفة بغباء في الي كان زعلان و ده غالباً عشان حالة الراجل بعد الازمة الصحية الي كانت عندو و منظروا الي يصعب عالكافر

و في ناس تانية كانت فرحانة و مش فارق مع ابوها

انا بين الموقفين دول احترت و قعدت افكر و اقتنعنت ان الحكومة و النظام المصري قدروا يجردوا الانسان من مشاعره الانسانية و بقي الموت هو الوسيلة الوحيدة اننا نشوف وش جديد علي اي كرسي سوا كان مجلش شعب شوري وزارة او حتي رئاسة للاسف و بقولها تاني للاسف بقي الشعب يتمني الموت للناس دي لانه مش شايف حل تاني غيرو للتغيير

يا ريس يا حكومة ابوس ايديكوا جربوا تتطبقوا الديمقراطية جربوا مرة تدو فرصة لحد تاني نفسي اسمع كلمة الريئس السابق الوزير السابق اي حاجة و قبلها السابق مش لازم يبقي الراحل

 كلمة اخيرة لو مش حتطبقوا الديمقراطية عشان ناسكم و شعبكم طبقوها عشان نفسكوا عشان صحتكو لان الشعب بيدعي علي الي جابوكوا كل يوم

و ربنا يرحم و يهدي الجميع

قالك أنا مصري و مصاحب

هو  إيه الفكرة من المصاحبة؟

يعني بره  في امريكا واوروبا ده العادي ,يعني الاب والأم في معظم الحالات بيبقو متقبلين الموضوع ده , المجتمع نفسه متقبل الموضوع ده , هما بيقولوا احنا "متصاحبين  "  مش بيتكسفوا من الكلمة زي عندنا  

إنما عندنا بتبقى البنت مخبية على أهلها , وابوها أو اخوها لو عرفو هيروحو يطلعو ميتين أم الواد  

أما الولد بيبقى محدث نعمة وكل مايشوف حد من صحابه يعمل نفسه قافش  ومبوذ  عشان حد من القاعدة يسئله مالك؟  , وطبعا هو كان مستني السؤال ده عشان يقعد يحكي على مشكلته مع صاحبته (أو اللي هو فاكرها صاحبته لإن زي مااتفقنا مفيش مصاحبة في بلدنا  )ويقولك قفشت معاها و يعرض بيها   , و يقعد يلت للصبح   , نيجيي للبيت الواد ده لما يقول لأهله في البيت إنه مصاحب أو بيحب واحدة بيفرحو بي فشخ وأمه تيجي تقوله افتكر إن عندك اخوات بنات  اعتبرها زي أختك !! زي أخته إزاي طيب !! ايه الفكرة من الموضوع لو هي هتبقى زي أخته  ده الواد عايز يتبسط و يبقضي يومين 

سؤال وجاوبني عليه  إيه الفرق بين صاحبك و صاحبتك في مصر ؟!

محدش يعمل حدق ويقولي الجسم و الصوت الحنين  وبتاع , بتكلم كفكرة   إنت تقدر تبوس أو***مع صاحبتك دي تبقى مصيبة ده أنت ده لو أهلها عرفه إنت الله يرحمك 

يبقى ا الفكرة إنك تصاحب في مصر من الأساس مادام إنت مش هتعرف تعمل حاجة و مش هتوصل لحاجة ده غير ان كل المجتمع والناس هتبقى ضدك وبعدين ضد دينك أصلا

استنى لما تطلع بره كده وابقى قضيها هناك واعرف يعني ايه كلمة مصاحبة  بدل شغل العبط اللي إنت بتضحك على نفسك فيه ده  

     

فتاه مسيحة تعلن إسلامها

فالفترة  الأخيرة انتشرت بغباء  فيدهوهات  بنوعية  "فتاه مسيحة تعلن إسلامها " "يهودي يعلن إسلامه " "جندي أمريكي يعلن إسلامه "  طبعاً دي حاجة كويس و ربنا يهدينا و يهديهم   بس الفكرة اني بحس  إن الناس إلي بتنشر الحاجات دي   بتشك في ايمانها و بتحاول تقنع نفسها انها فالطريق الصح  بقصص إيمان ناس تانيين   ، بس هما نسيو حاجة  مهمة  الإسلام هو أعلى دين  بينتشر مظبوط  ، بس بردو  في  ناس حولت من الإسلام لغيرو من الاديان  ذي دول 

http://en.wikipedia.org/wiki/List_of_people_who_converted_to_Christianity

و دول 

http://en.wikipedia.org/wiki/List_of_converts_to_Buddhism

أنا مش قصدي أقول إنو غلط  أو  أغلس عليه  أنا بس عايز أقولو  لو هو  ده اسلوبك عشان تقتنع انك تمام و ايمانك سليم   فالتفكير دة  غلط في غلط

يعني  ضع نفسك مكان واحد مش على دينك ، و كل ما يدخل  عل FACEBOOK و يلاقيك  كل شوية تعمل بوست  لفيديو من النوعية دي أكيد هيقول عندك عقدة نقص و شاكك في دينك 

في نوعية تانية من الناس بتنشر الحاجات دي  عشان تغلس على الناس إلي تعرفهم من أصحاب  الأديان الاخرة   النوع ده محتاج كلنا ندعيلو  " ربنا  يشفيه " 

يا رب  تكونو فهمتو وجهه نظري , وأكيد دول مش كل الناس   وبلاش احكام مسبقة
اكرر بلاش احكام مسبقة  بلاش شغل "يلا يا كافر يابنل .... "   

السايس(البئف) و الزبون الي عايش في الدور

قمة الاستفزاز يا جدعان ، تركن عربتيك و بعد ما تخلص مشوارك  و تروح عربيتك تاني عشان تتكل على الله  .تلاقي واحد  بئف جايلك من بعيد و  بيصفر  زي الأهبل   يقعد يقولك "تعال تعال  فاضي   تمام يا سعادة البيه تمام يا باشا "  إلي بيغزني  إن أي واحد حمار سواقة ممكن يطلع من الركنة و يروح بيتوه من غير مساعدة  البئف ده (السايس)  و الا مكنش نجح في اختبار السواقة(  ثانية واحدة إزاي حيكون مانجحيش ومعاه رخصة آه نسيت احنا في مصر  ) 

نيجي للبقف تاني ,, المهم أنا مرة ضربت في دماغي  اراقبهم  من بعيد  واكتشفت إن البئف ده  بيعمل فلوس أكتر مما كنت متخيل شفت اللي بيديله 5 ولو 10 و ده غير  الفكة  وشفت إن بعد ما الزبون بيمشي بيجي أكتر من سايس يقسموا الفلوس مع بعض   أنا مش منفسن منه ربنا يكرمه بس اللي بيغظني هو بيعمل ايه عشان ياخد الفلوس دي يعني أنا طالع عيني أهلي في الجامعة ومش هاعمل زي فلوسه دي غير بعد 5 من الشغل الفشيخ   , محدش ييجي يقولي باديهله عشان الثواب أنا عايز أقولك إن الراجل ده هو اللي ممكن يتصدق عليك كفاية إنه مابيدفعش ضرايب 

أنا في تفسيري إنك بتديله الفلوس عشان بتحس ل مرة إنك محترم وليك قيمة لما  يقولك يا باشا ويا بيه  مع إنك أول مابتمشي بيسيبلك الدين  (lol)    

في ناس كتير أولى بالفلوس دي , دول ولاد كلب , الشارع ده ملك الشعب  ومتخليش حد بكلمتين يضحك عليك   ,,,